پریس ریلیز

December-03-2024 :تاریخ

لاہور( ) تحریک لبیک یا رسول اللہ صلی اللہ علیک وسلم کے سربراہ اور تحریک صراط مستقیم کے بانی ڈاکٹر محمد اشرف آصف جلالی نے کہا: ملک میں سیاسی انتشار کی وجہ سے پاکستان کی سالمیت خطرے میں ہے۔ حکومت اور آپوزیشن کی جنگ خطرناک موڑ تک پہنچ چکی ہے۔ عوامی مسائل جوں کے توں پڑے ہیں۔ عوام مہنگائی کی وجہ سے دو وقت کی روٹی سے تنگ ہیں۔ اوپر سے ان کو وطن کی فکر کھائے جا رہی ہے۔ نام نہاد سیاستدان ایک دوسرے کو نیچا دکھانے میں مصروف ہیں۔ عوامی مسائل کے حل سے کسی کو دلچسپی نہیں۔ دہشت گردی کا اژدھا پھر سے پھنکار رہا ہے۔ وفاق اور صوبوں کی باہمی چپقلش سے خدا بچائے، بنگلہ دیش جیسے حالات بنتے نظر آ رہے ہیں۔ فوج اور عوام میں دوری جو دن بدن بڑھتی جا رہی ہے، کسی طرح بھی پاکستان اور قوم کے مفاد میں نہیں۔ ملک کے سلگتے مسائل پر بہت جلد قابو پانے کی ضرورت ہے۔ ملک میں مقتدر اداروں اور محب وطن قوتوں کو سر جوڑ کر بیٹھنا چاہیے۔ اور ملکی استحکام اور سالمیت کا کوئی مضبوط لائحہ عمل تیار کرنا چاہیے۔ جاری کردہ ۔۔۔

شعبہ نشرو اشاعت: تحریک لبیک یارسول اللہ ﷺ وتحریک صراط مستقیم TLY+TSM+TLI

محمد جمیل بیگ جلالی : 03224552042 = baigj91@gmail.com