پریس ریلیز

December-2024-09 :تاریخ

لاہور( ) تحریک لبیک یا رسول اللہ صلی اللہ علیک وسلم کے سربراہ اور تحریک صراط مستقیم کے بانی ڈاکٹر محمد اشرف آصف جلالی نے کہا: دینی مدارس کے خلاف کسی سازش کو کامیاب نہیں ہونے دیں گے۔ پارلیمنٹ کے دونوں ایوانوں سے مدارس جنریشن بل کے پاس ہو جانے کے باوجود صدر پاکستان کا مدارس بل پر دستخط نہ کرنا سمجھ سے بالاتر ہے۔ اسے سوائے مغرب کی خوشنودی کے کچھ نہیں کہا جا سکتا۔ مدارس اپنی مدد آپ کے تحت قوم کے سپوتوں کو زیورِ تعلیم سے آراستہ کرتے ہیں اور اسلام کے خلاف چلنے والی تند و تیز آندھیوں میں بھی اسلام کا دیا جلائے ہوئے ہیں۔ مغرب نواز لابی ملک میں ہمیشہ مدارس کے خلاف سازشوں میں مصروف رہتی ہے۔ دینی مدارس کے راستے میں روڑے اٹکانا کسی لحاظ سے بھی دانشمندی نہیں۔ علم و حکمت کے یہ سرچشمے قوم کے لیے ایک نعمت سے کم نہیں۔ معاشرے میں علم کے ان میناروں کے گرد گھیرا تنگ کرنے سے تاریکی بڑھے گی۔ برطانوی سامراج میں بھی مدارس دینیہ نے اپنا بھرپور کردار ادا کیا تھا۔ ان شاء اللہ تعالیٰ مدارس دینیہ ہمیشہ اپنا سفر جاری رکھیں گے۔

جاری کردہ ۔۔۔

شعبہ نشرو اشاعت: تحریک لبیک یارسول اللہ ﷺ وتحریک صراط مستقیم TLY+TSM+TLI

محمد جمیل بیگ جلالی : 03224552042 = baigj91@gmail.com