تحریک لبیک یا رسول اللہ صلی اللہ علیک وسلم اور تحریک صراط مستقیم کی اپیل پر 02 اگست بروز جمعۃ المبارک کو ملک بھر میں سپریم کورٹ کے متنازعہ فیصلہ کے خلاف ”یومِ احتجاج“ منایا گیا۔ خطباء نے خطبات جمعۃ المبارک میں 24 جولائی کو سپریم کورٹ کے قادیانیوں کے بارے میں فیصلے کی وہ شقیں جو قرآن و سنت اور آئین پاکستان کے منافی ہیں، ان کے بارے میں عوام الناس کو روشناس کروایااور اس فیصلے کے مستقبل پر زہریلے اثرات مرتب ہونے والے تھے، ان پر روشنی ڈالی۔ فیصلے کے خلاف مذمتی قراردادیں منظور کروائیں اور نماز جمعہ کے بعد مختلف شہروں میں احتجاجی مظاہرے کیے گئے۔ اس موقع پر لاہور پریس کلب کے باہر مرکزی احتجاجی مظاہرے کا انعقاد کیا گیا۔ تحریک لبیک یا رسول اللہ صلی اللہ علیک وسلم، تحریک لبیک اسلام اور تحریک صراط مستقیم کے مرکزی قائدین صاحبزادہ محمد امین اللہ نبیل سیالوی، قاری محمد فرمان علی جلالی، صاحبزادہ محمد مرتضیٰ علی ہاشمی، علامہ محمدفیاض وٹو جلالی، علامہ محمد صدیق مصحفی، علامہ محمد حامد مصطفی جلالی نے اپنے اجتماعی خطاب میں کہا: سپریم کورٹ کے حالیہ فیصلہ سے کروڑوں مسلمانوں کے جزبات کو ٹھیس پہنچی ہے۔ اس فیصلے میں امتناعِ قادیانیت آرڈیننس پر شبِ خون مارا گیا ہے۔ چار دیواری میں قادیانیوں کو اپنے کفریات کی تبلیغ کی اجازت دینا اور اسلام اور پاکستان کے خلاف سازشوں کا قانونی جواز دینا کبھی بھی قابل قبول نہیں ہے۔ قادیانی اپنے آپ کو غیر مسلم تسلیم نہ کر کے آئین سے بغاوت کر رہے ہیں تو ان کو کوئی حقوق دینے سے پہلے ان کے خلاف آپریشن کرنا چاہیے یہاں تک کہ یہ آئین کے مطابق اپنے آپ کو غیر مسلم تسلیم کر لیں۔ قادیانی پہلے ہی رسول اکرم ﷺ اور دیگر انبیاء کرام علی نبینا و علیہم الصلوٰ ۃ والسلام کی توہین، اہل بیت اطہار رضی اللہ تعالیٰ عنہم اور صحابہ کرام علیہم الرضوان کی توہین، قرآن مجید کی تحریف اور توہین جیسے جرائم کا ارتکاب کرتے ہیں۔ اب اس فیصلہ میں انہیں چار دیواری اور اپنے مراکز میں اسلام اور مسلمان مخالف کاروائیوں کی قانونی حفاظت دے دی گئی ہے۔ یہ فیصلہ ملک میں خطرناک صورتحال کو جنم دے گا۔ ججز کو فوری طور پر اس کی متنازعہ شقیں واپس لے کر ملک و قوم پر رحم کرنا چاہیے۔